-Almmuhus-
-Almmuhus-
-Almmuhus-
OĐĐASATGielddat ožžot vihtta miljárdda eambbo vearrodienasin

Gielddat ožžot vihtta miljárdda eambbo vearrodienasin

-

-

Ruhtadanministtar Siv Jensen (Frp) lohká gielddaid oažžut vihtta miljárdda eanet sisaboahtun go dan mii lei vurdon dán jagi ja livčče sáhttán sihkkut opmodatvearu ja gielddaide livčče aŋkke báhcán badjebáza.

Ruhtadanministtar duođašta Dagens Næringslivii ahte Norgga gielddaid vearrodienas lea sullii vihtta miljárdda ruvnno eanet go mii lei reviderejuvvon nationálabušeahtas.

Son čilge ahte go lea unnán bargguhisvuohta, alit bargosadjemearri ja ráđđehusa ekonomalaš politihkka váikkuhit oktanas go vearrodeaddu njiedjá.

– Gieldaekonomiija lea dál nu nannejuvvon ahte jus sihkku olles opmodatvearu viesuin ja barttain, livččii gielddain aŋkke badjelbáza, dadjá Jensen.

Dán jagi leat dássážii boahtán olles 80 miljárdda vearrun, mii lea 28,4 proseanta lassáneapmi 2013 rájes.

Dat lea 4,25 proseantta jahkásaš lassáneapmi.

Seamma áigodagas lea jahkásaš inflašuvdna leamaš 2,4 proseantta, čállá aviisa.

©NTB

-Almmuhus-