Norgga gielddat ávžžuhuvvojit váldit vuostá ja ásaiduhttit 35 000 báhtareaddji 2023:s, dieđiha stáhtaministtar Jonas Gahr Støre (Bb).
Searvadahttin- ja girjáivuođadirektoráhtta, Integrerings- og mangfoldsdirektoratet – IMDi dat ávžžuha gielddaid ásaiduhttit báhtareddjiid, ja odne sáddejit ge reivve mas gielddain jerret olu báhtareddjiid sis lea vejolaš ásaiduhttit.
Buot Norgga gielddat ásaiduhttet báhtareddjiid, ja dássážii dán jagi leat badjel 32 000 báhtareaddji ásaiduvvon dahje galget ásaiduvvot. Eatnašat dáin leat boahtán Ukrainas ja dáidet bissut Norggas maiddái boahtte jagi.
– Norgga gielddat leat oanehis áiggis nákcen ásaiduhttit eanet báhtareddjiid go goassege ovdal. Dainna lean rámis ja giitevaš. Mii galgat ain ovddasguvlui veahkehit olbmuid, ovttas galgat fállat báhtareddjiide oadjebas ja buori orruma Norggas, logai stáhtaministtar Jonas Gahr Støre preassakonferánssas bearjadaga.
