-Almmuhus-
-Almmuhus-
OĐĐASAT Gielddaministtar maŋida Romssa ja Finnmárkku oktasašlávdegoddečoahkkima

Gielddaministtar maŋida Romssa ja Finnmárkku oktasašlávdegoddečoahkkima

-

-

Gieldaministtar Monica Mæland (H) lea maŋidan dehálaš čoahkkima oktasašlávdegottis mii guoská Romssa ja Finnmárkku oktiičaskimii. Sivvan dasa lea go Romsa lea mearridan lágidit liigefylkadiggečoahkkima, dieđiha NRK.

Oktasašlávdegotti čoahkkin, mas lea ovddasvástádus ráhkkanit ja čađahit oktiičaskima, galggai lágiduvvot borgemánu 13. beaivvi.

– Go Romssas lea dál dárbu lágidit fylkadiggečoahkkima, de lea mu mielas áibbas lunddolaš gávdnat eará čoahkkinbeaivvi nu ahte de sáhttá maŋŋá čoahkkima ságastit Romssas, lohká Mæland NRKii.

 

Finnmárku dagahan dili váttisin

Finnmárkku Fylkadiggi lea mearridan geassemánus ahte sii eai nammat olbmuid oktasašlávdegoddái, mii lea dagahan dili váttisin Romssa áirasiida, lohká Romssa fylkkaráđđejođiheaddji Willy Ørnebakk.

– Ii oktage lean einnostan ahte Finnmárkkus eai lean áirasat. Mii leat hui erenomáš dilis, lohká son.

(©NTB)

- Advertisement -
-Almmuhus-