Australia álgoálbmot aborigiinnat giddejit vári.
Australia álgoálbmot aborigiinnat giddejit vári.
Aborigiinnaid bassi várri Uluru lea bivnnuhis oaidnámuš turisttaide. Muhtun turisttat eai duđa duššo oaidnimiin, muhto gizzot vel várrái.
NITV News dieđiha dál ahte gizzun lea gildojuvvon Ulurus.
Našunálapárkka stivra lea mearridan gieldit gizzuma, maŋŋil dárkilis guorahallamiid.
Gielddus álgá doaibmat guovtti jagi geahčen.
Ii heivvolaš
Uluru várri lea aborigiinnaid bassi várri. Ii leat rievtti mielde várri, muhto stuora geađgi.
Sin árbevirolaš ipmárdusa mielde ii leat heivvolaš gizzut Uluru ala.
– Eiseválddit fertejit doahttalit maid mii muitalit iežamet kultuvrra birra, seamma go mii fertet doahttalit sin lágaid. Ruđas ii leat fápmu, lohká našunálapárkka stivrra áirras Sammy Wilson NITV Newsii.
