Máŋggaid miillaid fertet vuodjit jus áiggut rasttildit Deanu vuolledeanus dahje badjedeanus.
Deanu gielddas leat dálvet jiekŋageainnut dehálaččat ja olbmot goabbat ge bealde Deanu vurdet dassái go álkit besset rasttildit joga dálvet. Deanu gielddas leat guokte jiekŋageainnu, Buolbmágis ja Ruostefielmmás, rastá Deanu Hárrejohkii.
Deanu gielda dieđiha ahte sii giddejit jiekŋageainnu Buolbmága bokte ja maiddái jiekŋageainnu Ruostefielmmás rastá Deanu Hárrejohkii, mii lea rabas.
Beassážiid áigge leat leamaš bivvalat, muohta lea suddagoahtán ja maiddái jogat ja jávrrit leat sovlon.
Jiekŋasat dološ árbevierru
Jiekŋageainnut leat dehálaččat Deanu gieldda ássiide, geat eai oro lahka šalddiid, ja sii fertejit vuodjit guhkes gaskkaid go eai leat rabas jiekŋageainnut, erenomážit giđđat ja čakčat, go lea rašes jiekŋa. Geassit rasttildit báikeolbmot deanu fatnasiin.
