Kárášjoga gielda lea mearrida álgovuorus váldit vuostá 15 báhtareaddji, nu dieđiha Integreren- ja máŋggabealátvuođadirektoráhtta.
Kárášjoga gielda dáhttu gulahallat priváhta olbmuiguin geain livčče ásodagat Ukraina báhtareddjiide.
– Ukraina dili dihtii bohtet vuordimis olu ukrainalaččat Norgii boahttevaš áiggis, muhto justa dál lea vuos váttis dadjat man olu báhtareaddjit dat bohtet. Gielddain daidá šaddat stuorát dárbu gávdnat orrunbáikkiid báhtareddjiide go maid álggos ledje árvvoštallan. Jus priváhta olbmot dáhtošedje rahpat viesuid/ásodagaid/láigolanjaid báhtareddjiid várás, de galget áinnas váldit oktavuođa dorvoohccibálvalusain, čállá Kárášjoga gielda.
