-Almmuhus-
OĐĐASAT Gielda gávppaša báikká­laččat veahke­han­dihte fitno­dagaid

Gielda gávppaša báikká­laččat veahke­han­dihte fitno­dagaid

-

-

Porsáŋggu gielddastivra mearridii veahkehit báikkálaš ealáhusaid koronadoaimmaiguin vai cevzet. 

Porsáŋggu gielddastivrra mearridii miessemánu čihččet beaivvi koronadoaimmaiguin veahkehit báikkálaš ealáhusaid. Áššečilgehusas čilgejedje ahte vaikko koronanjoammudávda lea dušše moaddásii njommon, de lea dattetge koronaroassu čuohcan, go olu báikkálaš fitnodagat rahčet ruđalaččat ja olu ássit leat šaddan bággolupmui. Sápmi næringshage lea ráhkadan raportta dan birra ja evttohan doaimmaid. 

Gielddastivra mearridii 07.05.2020 dán áššis ahte Porsáŋggu gielddastivra ballet ahte stáhtalaš doaibmapáhkat eai leat doarvái hehtten dihtii ahte buot fitnodagat, mat álgoálggus ledje buori ruhtadilis, eai gopmán.

Gávppašit báikkálaččat

Gielddas eai leat doarvái friija ruđat maiguin sáhtášii geavahit ekonomalaš doaimmaid veahkehit ealáhuseallimiid. Danin leat sii mearridan ná dahkat: 

* Porsáŋgu gielda galgá háhkannjuolggadusaid ektui gávppašit báikkálaš fitnodagain Porsáŋggus. 

* Vuoruhit mearriduvvon investerenbargguid almmuheami dan láhkai ahte báikkálaš entreprenevrrat ožžot vejolašvuođa gilvalit dáid prošeavttaid alde ja almmolaš háhkanlága rámmaid siskkobealde. 

* Addo automáhtalaš jagi maŋideapmi álggahuvvon ealáhusprošeavttaide maid ealáhusfoanda lea ruhtadan.

* Gieldda ealáhusfoanda vuoruha prošeavttaid mat nannejit Porsáŋggu mearriduvvon báikin ja Leavnnja gávpe- ja bálvalusguovddážin. Ovttasbargu fitnodagaid gaskkas lea eaktu luvvet ruđaid ođđa ealáhusprošeavttaide. Dasa lassin vuoruhat fitnodagaid mat eai oaččo stáhtas veahki ja mat dárbbašit heahteveahki birgen dihtii. Eaktu lea ahte dat fitnodagat birgejedje bures ruđalaččat ovdal roasu. 

* Gielddastivra bivdá hálddahusa árvalit ovdagoddái Ungjobb (nuoraidebargu) -doaimmaid vai oažžut bággolupmui bargiid fas bargui. Okta bargu livččii lean málet Helsetun-viesu go dat dárbbaša dan. Dan sáhtášii ruhtadit go bidjá mearriduvvon investerenprošeavtta ruđaid dasa, dahje molssaevttolaččat lonet ruđaid.

* Gielddastivra dáhttu hálddahusa gárvet gieldda geainnuid ja smávit áimmahuššanbuoridanplánaid, nu ahte barggu sáhtášii bidjat johtui jođánit dan beaivvi go ráđđehusa vejolaš roassopáhkka boahtá.

- Advertisement -
-Almmuhus-