Dán vahku lágiduvvojit Sámedikki lávdegoddečoahkkimat Kárášjogas, ja áššelisttus leat máŋga dehálaš ášši.
Sámedikki lávdegoddečoahkkimat álget maŋŋebárgga skábmamánu 22. beaivvi diibmu 09.00 ja bistet bearjadahkii skábmamánu 25. beaivvái diibmu 15.00 rádjai. Odne, vuossárgga, lei várrejuvvon beaivi joavkočoahkkimiidda.
Plána- ja finansalávdegotti áššit:
Sámedikki cealkámuš meahccegeavaheami rievdadeami birra Finmárkkulága §10 vuođul 420 kV fápmolinjái Skáidi-Hámmerfeasta.
Sámediggebušeahtta
NAČ 2022: 8 Ođđa minerálaláhka-cealkámuš.
Sámediggeválga, nannet válgabarggu.
Bajásšaddan-, fuolahus-, ja oahppolávdegotti áššit:
2023 Dáiddáršiehtadus.
Valáštallanšiehtadus gaskal Sámi Valáštallan Lihttu (SVL) ja Sámedikki.
Oahpponeavvoráhkadeami doaibmaplána 2020-2024 ođasmahttin.
Ealáhus- ja kulturlávdegotti áššit:
Diehtojuohkin boazodoalloláhkalávdegotti evttohusa birra – boazodoallolága rievdadit ja proseassa viidásat.
Sámedikki jahkásaš guolástuspolitihka birra 2022.
Duoji ealáhusšiehtadusa 2023 dohkkeheapmi.
Sámedikki árvalus boazodoallošiehtadussii 2023/2024.
