Suoma riikkabeaivvit gieđahallet odne ILO-169 ratifiserema, ihttin jienastit.
Riikkabeaivvit čoahkkanit vel duorastaga gieđahallat ráđđehusa ja vuođđoláhkaváljagotti evttohusaid ILO-soahpamuša ratifiseremis. Beavddi alde lea maiddái Rundgrena, Elomaa ja Maijala evttohus dilleanalysas, čállá Yle Sápmi.
Digaštallet sámiid dili
Ulbmil lea gieđahallat ráđđehusa evttohusa ja vuođđoláhkaváljagotti smiehttamuša ILO-soahpamušas. Vuođđoláhkaváljagotti smiehttamuš sisttisdoallá maiddái vuosteevttohus ahte hilgut ILO-soahpamuša.
Dievasčoahkkimis lea ovdan maiddái golmma riikkabeaiáirasa, Simo Rundgren (Guovddáš), Ritva Elomaa (Vuođđosuopmelaččat) ja Eeva-Maria Maijala (Guovddáš) evttohus analyseret sámeguovllu ja sápmelaččaid dili ovdal ILO-soahpamuša ratifiserema.