Guovdageainnu suohkan ii láigot visttiid priváhta doaluide njukča- ja cuoŋománus.
Suohkana ruovttusiiddus dieđiha Guovdageainnu suohkan ahte nu guhká go nationála láhkaásahusnjuolggadusat dadjet ahte ii sáhte čohkket eambbo go logi oasseváldi doaluide, de lea suohkan mearridan ahte eai šat láigot visttiid priváhta doaluide.
Dás lea dahkkon spiehkasteapmi mánáid riegádanbeaidoaluide. Mánát dakkár doaluin bohtet dávjá seamma kohorttain.
Suohkan lea dan mearrádusa vuođul geassán ruovttoluotta buot njukča- ja cuoŋománu doalloviessoláigohemiid, loahpaha suohkan.
