Deanu gielda lei ohcan viiddiduvvot skohtermáđii rabasáiggi miessemánu 17 beaivve rádjái, muhto Finnmárkku Fylkkamánni hilgui gieldda ohcamuša guhkidit rabasáiggi.
Dán dieđiha Deanu gielda.
Máđijat mat dál leat giddejuvvon leat 5:i Illásis Geassájávrái, máđii 6a Geassájávrris ja máđii 4:s Liŋkonjávrái, čállá Deanu gielda. Gielda lei ohcan guhkiduvvot rahpanáiggi muhto dan eai ožžon Finnmárkku Fylkkamánnis.
Fylkkamánni vástádus Deanu gilddi čuodjá ná:
«Lea fuođđuid dihtii, mat leat rášis dilis, ahte mii eat divtte máđii leat rabas maŋŋá miessemánu 14. beaivvi. Lága ulbmil lea sihke suodjalit luonddubirrasa ovddidit loaktima. Ollu muohttaga geažil livččii buorre vuodjit skohteriin, ja áddemis olbmot háliidit vuolgit bivdit dahje vuolgit eará mátkkiide. Muhto go lea ollu muohta, de lea fuođđuin garra dilli go galget lállit ja čivgat.»
