Ođđa koronadoaibmabijuid dihte giddejit valáštallanhállaid sihke Romssas ja Álttás
Sotnabeaivvi čavgii ráđđehus fas koronadoaibmabijuid, ja sii ávžžuhedje maŋidit valáštallamiid ođđajagemánu 18. beaivvi maŋŋelii, Romssas ja Álttás leat ge gidden uvssaid valáštallanhállaide.
Váldovaláštallamii ja kulturbargiide geain leat sierra njuolggadusat, ii váikkut dat gidden. Lea maid vejolaš valáštallat olgun jus fal gaska dollojuvvo, dieđiha Romssa suohkan.
Álttás leat earret eará Finnmarkshállas gidden uvssaid, mas lea sihke spábbačiekčanšillju ja giehtaspábbahálla siste. Dat mearkkaša ahte Álttás ii leat vejolašvuohta hárjehallat ii ge gilvvuid čađahit, čállá Altaposten.
