Unjárggas giddejuvvojit oassi skohtermáđijain vai bohccot ožžot guohtunráfi.
Romssa ja Finnmárkku fylkkamánni dieđiha sin neahttasiiddus ahte leat mearridan giddet oasi skohtermáđii 11:s. Sivvan dasa lea ahte áigot addit ráfi bohccuide main dálveorohat lea gaskal Sundejávrri gitta skohtermáđii lohppii Suolojávrris.
Fylkkamánni čállá ahte sii giddejit njukčamánu 4. beaivvi rájes.
– Dál lea hui váttis guohtun miehtá fylkka. Danne lea dehálaš ahte boazu oažžu ráfi doppe gos ain lea guohtun olámuttos. Mii dáhttut buohkaid váldit bohccuid vuhtii go vánddardit, čállá fylkkamánni neahttasiiddus.
