Hammerfeasta buohcciviesu elrávdnjerusttega galget divvut, ja dan oktavuođas fertejit sáddet fáhkkabuhcciid Girkonjárgga dahje Romssa buohccivissui go giddejit Hammerfeasta buohcciviesu.
Hammerfeasta buohcciviesu elrávdnjerusttega galget divvut, ja dan oktavuođas fertejit sáddet fáhkkabuhcciid Girkonjárgga dahje Romssa buohccivissui go giddejit Hammerfeasta buohcciviesu.
Hammerfeasta buohcciviesus fertejit jáddadit elrávnnji, go galget buoridit elrávdnjerusttega lávvordaga čakčamánu 17.beaivvi. Buohcciviesus ii leat elrávdnji gaskkal diibmu 08 ja 20.
Pasieantat geat eai sáhte vuordit divššuin, fertejit sáddet Girkonjárgga buohccivissui dahje Davvi-Norgga Universitehtabuohccivissui Romsii. Duorastaga eahkeda rájes giddejit buohcciviesu fáhkkabuhcciide.
Rašes rusttega buoridit
Hammerfeasta buohcciviesus lea dušše okta váldotávval mii juohká elrávnnji, mii dagaha buohcciviesu rašes dillái jus váldotávval billahuvvá. Danne galget dál lasihit nuppi távvala dasa báldii. Go heahteaggregáhtta geavahuvvo, de manna dan váldotávvala čađa, ja dainnalágiin ferte buohcciviessu jáddadit oalát elrávnnji buohcciviesus divodeami botta.
Pasieantat ja earát sáhttet riŋget buohcciviesu váldonummárii nu go dábálaččat, dieđiha Finnmárkku buohcciviessu neahttasiiddus. Riikkaviidosaš telefunnummár doaktárii 116 117 doaibmá maid nu go galgá.
