-Almmuhus-
-Almmuhus-
OĐĐASAT Giđđajohtinsátta joatká odne

Giđđajohtinsátta joatká odne

-

-

Gaskavahkku lea NRK:s plána joatkit Giđđajohtin – minuhtas minuhttii sáddaga.

– Naaa, plána eaktuda ahte lea fiertu ja dálkedieđáhusaid mielde galgá leahkit nu, lohká almmuhanredaktevrra Pål Hivand gažaldahkii man sihkar de lea ahte vuojaheapmi šaddá ihttin gaskavahkku.

Son lohká nu movt juo lea sáddaga álggu rájes leamaš de lea hui ollu dálki ja bohccuid duohken movt šaddá.

– Sara-bearáš gal eai geahččalatta elliid čálgguin, ja jus lea dálki de vurdet vuojahemiin, muhto orru ahte šaddá ihttin.

 

Gergosat

Sátta álgá diibmu 08.00 ja čájehit go Fáláhasat johtet fiervái ja movt sii rahkánišgohtet vuojaheapmái.

– Birrasiid diibmu 15.00 galget sii vuojahit ealu rastá Fálesnuori, ja min bealis leat čázevuološkamera, drona ja fanaskamerat gergosat, nu ahte leat olles teknihkkalaš buvttadeapmi, lohká Hivand.

Hivand muitala go šadde botket sáddaga, de leat ollus beahtáhallan, muhto leat čájehan ipmárdusa ahte NRK fertii dan dahkat.

 

Stuora finála

Hivand muitala leat 1,9 miljovnna olbmo geat leat fitnan TV:es geahččame Giđđajohtin- minuhttas minuhttii, ja neahta bokte leat 140.000 iešguđet geavaheaddjit leamaš geahččame.

– 38 proseantta gehččiin leat olgoriikkalaččat 131 iešguđet riikkain. Jáhkkimis bohtet vel eambbos čuovvut dan stuora finála, mii lea go eallu vuodjá rastta Fálesnuori, lohká Pål Hivand.

Gaskavahkku iđđes dieđihii NRK njuolggosáddagis, ahte ii soaitte šaddat vuojaheapmi go lea menddo garra biegga. 
Sara-bearaš lea diŋgon suvdinfatnasa, nu soitet baicce suvdit ealu Fálái gaskavahkku.

 

 

 

 

 

 

 

 

-Almmuhus-