-Almmuhus-
OĐĐASATGiđđajohtinsátta álgán

Giđđajohtinsátta álgán

-

-

Vuossárgga sáddegođii NRK giđđajohtimis njoazes-TV sáddaga man olbmot besset čuovvut birrajándora NRK2:s ja NRK neahtta-TV bokte.

Prošeaktajođiheaddji Per Inge Anti Åsen muitala sii leat dál oalle gealdagasas buohkat ja leat olles leahtuin ráhkkaneame sáddagii, go Ávvir riŋge mánnodaga veaigin.

Vaikko lei plána sáddegoahtit juo mannan bearjadaga, ja šadde maŋidit ja rievdadit sáddenplána, de eai leat heađásnuvvon.

– Mokta gal lea buorre, ja go luonddus galgá sáddet, de eat sáhte čuovvut áigeplánaid áibbas.

 

Plánat rievdan

Sis leige plána mielde ahte galge álgit sáddet go eallu lea ollen Iešjávrri davábeallái.

Heajos ealáhaga geažil ja galbma dálkki dihte ii leat siida johttán nu árrat go lávejit.

– Mii álgit baicca sáddaga Šuoššjávrri rájes, gos Ásllat Ánte (Aslak Anders Sara, boazodoalli gean čuvvot, red. mearkkašupmi.) gázze maid bidjet muhtun ráje váiban bohccuid boazobiilii ja geahččit besset dan maid oaidnit, lohká son.

 

Loga maid: NRK gumpi jo gárvvis, johttájit davás

 

Eai goassige oaidnán

Anti Åsen illuda sáddagii, ja jáhkká dákkár njoazes-TV, mii lea šaddan bivnnuhin maŋemus jagiid, geasuha go geahččit besset bosihit juohkebeaivválaš hušas gos ii leat buot diimmu mielde.

– Jáhkán váldot bures vuostái, go das han beassá álbmot váldit oasi dáhpáhusas man birra olusat eai dieđe maidege, lohká prošeaktajođiheaddji.

Sátta álgá odne mánnodaga diibmu 19.45 Nrk2:s.

 

 

-Almmuhus-