-Almmuhus-
OĐĐASATGergosat Sámi buohcce­divššár­ohppui

Gergosat Sámi buohcce­divššár­ohppui

-

-

Ođđajagemánus lea sámi buohccedivššároahppu Guovdageainnus gearggus 25 studentii. Dearvvašvuohta- ja fuolahusfága instituhta veahkkejođiheaddji, Linda Okstad, sávvá ahte sámegielhállit Ruoŧas ja Suomas maid ohcet.

Linda Okstad muitala ahte UiT lea virgádan guokte universitehtalektora sámi buohccedivššárohppui, geain lea kántorsadji Sámi allaskuvllas Guovdageainnus.

Sámi giellagáibádus

– Oahpahus lea davvisámegillii, nu ahte dárbbašuvvo sámegielgelbbolašvuohta beassat dan ohppui. Leat 25 saji ja oahppu lea oasseáigeoahppu mii bistá njeallje jagi.

– Mis lea ohcanáigemearri ohppui golggotmánu 16. beaivvi 2020, ja mii plánet oahppoálggaheapmái ođđajagemánus. Mii illudat hirbmadit beassat johtui, dadjá Okstad.

-Almmuhus-