-Almmuhus-
OĐĐASATGelddolaš vuordináigi

Gelddolaš vuordináigi

-

-

Gáivuona gielddas lea Bargiidbellodagas ja Guovddášbellodagas measta liikká olu jienat. Šaddá gelddolažžan oaidnit guđemuš bellodat oažžu eanemus jienaid.

Ovcci áiggi eahkedis almmuhuvvui ovdalgihtii jienasteapmi Norggas. Sámi hálddašanguovllut olggobealde Finnmárkku leat Gáivuotna, Loabát, Divttasvuotna ja Raavrhvijhke gielda.

 

Ovdalgihtii jienat Gáivuotna gielddas Romssas:

Bargiidbellodat 27,7 proseantta, massán 12,6 proseantta

Guovddášbellodat 26,5 proseantta, ožžon 16,6 proseantta

Birasbellodat Ruoná 13,3 proseantta, ožžon 9,4 proseantta

Olgešbellodat 9,6 proseantta, ožžon 3 proseantta

Ovddádusbellodat 9,6 proseantta, massán 0,7 proseantta

Ruksesbellodat 4,8 proseantta, ožžon 2,9 proseantta

Kristtalašbellodat 4,8 proseantta, massán 8,2 proseantta

Sosialisttalaš Gurutbellodat 2,4 proseantta, massán 0,4 proseantta

Riddobellodat 1,2 proseantta, massán 7,6 proseantta

Gurut bellodat 0,0 proseantta, massán 1,2 proseantta

Čájehit ovdalgihtii jienat.

 

Svein Oddvar Leiros lea Guovddášbellodaga sátnejođiheaddjeevttohas ja ovdalgihtii jienat čájehit ahte Guovddášbellodat lea ožžon 16 proseantta jienain ja lea farga juksan Bargiidbellodaga mii fas lea massán 12 proseantta.

 – Orru mannamin bures ja mus lea buorre mokta, muhto jáhkán Bargiidbellodat šaddá stuorámus bellodahkan min gielddas dattetge. In dieđe manne mii leat ožžon ná olu jienaid, soaitá leat go mii háliidat Gáivuona gieldda bargat buorebut sámi áššiiguin, lohká Guovddášbellodaga sátnejođiheaddjeevttohas Svein Oddvar Leiros.

-Almmuhus-