Girjerádjosiid deaivvadeamis dán vahkku jugii Finnmárkku fylkkagirjerájus girjerájusbálkkašumi. Vuoitit leat garrasit bargan ealáskahttit girjerájusfálaldaga.
Girjerádjosiid deaivvadeamis dán vahkku jugii Finnmárkku fylkkagirjerájus girjerájusbálkkašumi. Vuoitit leat garrasit bargan ealáskahttit girjerájusfálaldaga.
Girjerájusbálkkašupmi juhkkui gaskavahku eahkedis, ja lei Davvesiidda suohkan mii oaččui dán bálkkašumi 2017 ovddas, dieđiha Finnmárkku fylkkagielda preassadieđáhusas.
Ollu ja viiddis sisdoallu
Sii ožžot bálkkašumi go leat gelddolaš rievdadusaid čađahan ođđa girjerádjosis, ja dan bokte dehálaš bálvalusaid fállá suohkana girjerádjosis.
Prošeaktaohcamušas čálle sii go ohce doarjaga Našunálagirjerádjosis 2014:s ahte politihkkárat háliidit ahte girjerádjosis galgá leat ođđa ja guovddáš rolla báikki servvodagas.
Sis lea dál guhkit rabasáigi ja doppe lea maid hutkkálaš bargolatnja. Fylkkagirjerájus lea čuvvon mielde dan ođđa girjerádjosa Gilevuonas, ja leat hirpmahuvvan movt sii leat olihan mánáid ja nuoraid aktiviseret ja loktet girjerádjosa árvvu suohkanis.
Fylkkagielda čállá preassadieđáhusas ahte dát galggašii leat inspirašuvdnan eará suohkaniidda Finnmárkkus.
Ánssášit rámi
Girjerádjosat leat buohkaide deaivvadanbáikin gos sáhttet almmolaččat ságastallat ja digaštallat.
Rabas ja nuvttá deaivvadanbáiki dálá servvodagas lea dehálaš dakkár áiggis go deaivvadanbáikkit jávket.
– Jus dat galgá leat vejolaš, de fertejit leat dain báikkiin gos olbmot vánddardit, mas lea gelddolaš sisdoallu ja latnja mii heive buohkaide. Davvesiidda politihkkárat ja hálddahus leat bures bargan iežaset suohkana girjerádjosiin, ja dan ovddas ánssášit rámi, čállá fylkkagielda preassadieđáhusas.
