Mathis Ole Vars gilvala dán jagi ieža nieiddaža Biret Ingermaria Vars. Diimmu ovdal finála lohká iežas hui gealddus.
Lea nuppes go Mathis Ole Vars lea mielde Sámi Grand Prix juoiganoasis. Diimmu ovdal go finála álgá lohká iežas hui gealdagasas.
– Ii leat nu olu earáládje go diibmá ge. Gelddolaš, muhto hui suohtas.
Mo manai generálageahččaleamis?
– Na, iežan mielas goit manai bures, mojohallá Mathis Ole.
Dán jagi juoigá iežas nieiddaža, ja son gal dieđusge lea Báktehárjjis čuovvumin mielde go áhčči gilvala.
– Son lea hirbmosit vel vuordán dán beaivvi.
Mo doaivvut mannat odne?
– Gal dat lea váttis dadjat, leat nu olu buorit juoigit mielde, lohká Mathis Ole Vars vel.
