-Almmuhus-
-Almmuhus-
-Almmuhus-
OĐĐASATGeigejedje davviguovlloraportta EO:ii

Geigejedje davviguovlloraportta EO:ii

-

-

Davvi-Norga, Davvi-Suopma ja Davvi-Ruoŧŧa leat ovttasbargan čalmmustahtti davviguovlluid hástalusaid ja vejolašvuođaid EO:ii. Raporta geigejuvvui maŋŋebárgga OECD guvllolaš lávdegoddái Parisas, ja galgá almmuhuvvot njukčamánu 2017s.

OECD-raporta guorahallá davviguovlluid obbalaččat, ja vel fylkkadásis ja nationála dásis.

OECD-raporttas boahta ovdan ahte davviguovlluin leat ollu earálágan hástalusat go muđui Eurohpás, earenoamážit go guoská dálkkádahkii, guhkes gaskkaide ja eksportmárkanii, dieđiha Finnmárkku fylkkagielda sin preassadieđáhusas.

NSPA (Northern Sparsely Populated Areas) lea ovttastupmi daid davimus fylkkaid gaskkas, Norggas, Ruoŧas ja Suomas. Ovttastupmi oktiiheivehuvvo regiovnnaid kantuvrrain Brusselis.

Raporta geigejuvvui odne OECD guvllolaš lávdegoddái Parisas, ja galgá almmuhuvvot njukčamánu 2017.

 

Davviguovllut earenoamáš dilis

– Jurdda dás lei gávdnat ákkaid ákkastallamii go bargagoahtit EO-revišuvnnain davviguovlluin, cealká Finnmárkku fylkkavárresátnejođiheaddji Ragnhild Vassvik.

Raporta fuomášuhttá man dehálaš lea ahte bargoaddidivat lea differensierejuvvon. Norggas válde dan divada eret muhtun surggiin mannan áigodagas, nugo fievrridan- ja energiijasurggiin.

Raporta kommentere álgoálbmogiid oassálastima mearrideamis NSPA guovllus. Namuhuvvo maiddái ahte fievrrádus gaskal oarjji ja nuortta ferte buoriduvvot.

Raporta cealká maiddái ahte boahttevaš nationála politihkas fertejit riikaoasi erenoamášvuođat boahtit buorebut ovdan.

-Almmuhus-