-Almmuhus-
-Almmuhus-
OĐĐASAT – Geavat šleđggona ja divtte mobiila­tele­fovnna orrut

– Geavat šleđggona ja divtte mobiila­tele­fovnna orrut

-

-

Odne čalmmustuhtto Šleđggonbeaivi miehtá riikka. Mii mannat sevdnjes áiggi guvlui, ja áicilvuohta oaidnemeahttun vázziide buktá várálaš diliid johtolagas. 

Iskkadeami, man Kantar lea dahkan Tryg Trafikk ja Fremtind ovddas, čájehuvvo ahte juohke njealját olmmoš ii goasse geavat šleđggona go sihkkelastá.

Juohke viđat vuollel 30-jahkásaš olmmoš dieđiha ahte mobiilageavaheapmi lea sivvan manne leat suojeheamet várálaš dilálašvuođaide seavdnjadin.

– Dat lea várálaš ovttasteapmi. Mobiilageavaheapmi vuojedettiin lea gáldu máŋggaid johtolatlihkohisvuođaide, muhto go vázziin leat čalmmit mobiilašearpmas, de sáhttá dat dagahit liikká várálaš dilálašvuođaid. Jierbmetelefovdna ii leat du šleđggon, dadjá Fremtind bárteeastadeaddji Therese Nielsen.

Go ii geavat šleđggona, de lea dat sivvan olu lihkohisvuođaide

Šleđggonbeaivi čalmmustuhtto olles riikkas golggotmánu 15. beavvi. Ulbmil lea oažžut olbmuid geavahit šleđggona vai eai geava lihkohisvuhtii.

2017 rájes leat badjel 600 vázzi ja sihkkelasti vuddjon johtolagas (čájehuvvo finansnorge.no siddus). Biilavuoddjit ieža dieđihit ahte vázzit ja sihkkelastit šleđggona haga leat dábáleamos sivat johtolatlihkohisvuođaide ja várálaš dilálašvuođaide seavdnjadin.

– Min álkes ráđđi buohkaide johtolagas lea: Geavat šleđggona ja divtte mobiilatelefovnna orrut, leaččat dal vázzimin, sihkkelastimin dahje vuodjimin, dadjá Nielsen.

Lassi áicilvuohta unnida várálaš dilalašvuođaid

Majoritehta oaivvilda ahte lea vázzi ovddasvástádus oidnot seavdnjadin. Seammás oaivvildit gávccis logi olbmos ahte biilavuddjiid áicilvuohta unnida várálaš dilálašvuođaid johtolagas go lea seavdnjat.

– Mobiila lea mearkkašahtti gáldu váilevaš áicilvuhtii. Smart biiladáhkádusa statistihkka čájeha ahte juohke goalmmát vuoddji ii goasse geavat mobiilla vuojedettiin. Muhto sii geat geavahit mobiilla, geavahit dan menddo olu – sullii 27 proseantta sin vuodjinmátkkiin, dadjá Nielsen.

- Advertisement -
-Almmuhus-