-Almmuhus-
OĐĐASAT Geavaheddjiidráđđi váruha: – Faceappa rihkku Norgga lága

Geavaheddjiidráđđi váruha: – Faceappa rihkku Norgga lága

-

-

Eavttut mat leat ámadadju-appas Faceapp ­rihkku Norgga lága.

Appa man Wireless Lab, Ruoššas, lea ráhkadan, diktá olbmuid geahč­čalit rievdadit iežaset ámadaju oaidnin dihte makkár šaddá oaidnit go lea boares olmmoš.

Vaikko leage 2 jagi áigi go dat ráhkaduvvui, de lea appa daid maŋemus beivviid šaddan hirbmat beakkán sosiála mediain.

Vaikko leage bivnnut dat appa, de leat máŋggas geat eahpidit.

 

Ballá

Geavaheddjiidráđđi ballá ahte govaid máid olbmot atnet go geahč­čalit appa, daid sáhttet appa ráhkadeaddjit boastut atnit, jus olbmot galget appa eavttuid čuovvut.

Eavttut rihkkot Norgga lága, sihke márkanfievrredanlága ja olmmošdiehtolága.

– Danne mii sávvat ahte diehto­bearráigeahčču ja geavaheddjiidbearráigeahčču gehččet dán jođaneamos lági mielde, danne go dan atnet hui ollugat, ja dasá šaddá muitalit nu ollu rašes persuvnnalaš dieđuid, dadjá fágadirektevra digitála fálaldagaide.

 

Ilgat

Murstad lohká appas viiddis ja garra gáibádusaid, maid vuostá geavaheapmi ii bálljo leat suddje­juvvon.

Ii diehtobearráigeahčču ge leat nu ilus dainna, go sii leat eahpidit appa persovnnalaš ­gáibádusa man galgá deavdit, ­muitalit E24.

Lassin dása sihtet sii leat olbmuid várrogasat go dagahit/ lástejit iežaset ámadajus gova.

– Galgá leat earenoamáš várrogas appaiguin mat analyserejit ámadajuid. Ámadadjus lea juoga lágaš biometriija, seamma ládje go suorbmasajis váldit gova. ­Biometralaš dieđuid sáhttet earát atnit boastut, nugo ovdamearkka dihtii de go háliidit leat muhtin eará, ja dát daguha ahte lea álkit čuvvodit/ gozihit vaikko gean boahtte áiggis, dadjá seniorráđđeaddi diehtobearráigeahčus.

- Advertisement -
-Almmuhus-