-Almmuhus-
-Almmuhus-
-Almmuhus-
OĐĐASATGeatkkit lassánit davvin

Geatkkit lassánit davvin

-

-

8. boraspireregiovnnas, Romssas ja Finnmárkkus, lea duođaštuvvon ahte geatkkit leat lassánan maŋemus jagi.

Nationála nállemihttu getkkiide lea juhkkojuvvon viđa guvlui Norggas. Go geahččá gaskamearálaš logu, de leat buot viđa guovllus nu ollu, dahje eambbo, geatkkit go nállemihttu dadjá ahte galget leat. 

Rovdata jođiheaddji Jonas Kindberg muitala preassadieđáhusas ahte 8. boraspireregiovnnas lea čivgan lassánan viđa maŋemus jagis, dan botta go Hedemárkkus lea njiedjan njeljiin. Dat mearkkaša ahte davvin leat vihtta eambbo njiŋŋelasa guoddán čivggaid 2020:s go 2019:s. 

Oktiibuot lea Norggas lassánan čivgan maŋemus golmma jagis, go 2018:s duođaštuvvojedje 58 njiŋŋelasa main leat čivggat, diibmá ges 62 ja dán jagi 63. 

-Almmuhus-