Dán jagi leat DNA-registerejuvvon 329 geatkki Norggas. Dáid loguid mielde rehkenasto Norgga geatkenálli leat seamma dásis go diibmá.
DNA-vuođđuduvvon goziheapmi dagaha ahte geatkenálli rehkenasto leat gaskkal 349 ja 391 indiviida oktiibuot.
– Dán jagi leat čájehuvvon oktiibuot 727 geatkki Norggas ja Ruoŧas, 2482 DNA-iskosiid mielde. Lea sullii seamma lohku go diibmá (726). Dáid loguid mielde vuordit ahte Skandinávias leat 2022:s gaskkal 980 ja 1088 geatkki, mii lea seamma dásis go diibmá, dadjá Jonas Kindberg, jođiheaddji Rovdatas.
– Dán jagáš boađus lea seamma dásis go diibmá. Ruoŧas leat dán jagáš gozihanáigodagas duođašuvvon 414 indiviida, diibmá ledje 421. Nu rehkenasto nális leat gaskkal 625 ja 709 indiviida, dadjá Kindberg.
(©NTB)