Dán jagi leat registrerejuvvon 65 geatkečivgama Norggas, ja dat lea 26 eambbo go Stuoradiggi lea mearridan našunála nállemihtus.
Dán jagi leat registrerejuvvon 65 geatkečivgama Norggas, ja dat lea 26 eambbo go Stuoradiggi lea mearridan našunála nállemihtus.
Dán jagi leat registrerejuvvon 65 geatkečivgama Norggas, ja dat lea 26 eambbo go Stuoradiggi lea mearridan našunála nállemihtus. Birasgáhttendirektoráhta mearrádusa mielde leat 17 dáin čivgamiin jávkaduvvon, nu ahte dál leat 48 geatkečivgama.
– Mii leat dárkkistan ja kvalitehta sihkkarastán dán jagáš fealtaiskkademiid maid Stáhta luonddubearráigeahčču lea čohkken ođđa ja boares biedjosajiin mannan dálvvi, giđa ja geasi. Oktiibuot leat 65 geatkečivgama registrerejuvvon, ja dat leat birrasii 340 rávis geatkki, čilge Jonas Kindberg, Rovdata jođiheaddji.
Stuoradiggi lea mearridan ahte Norggas galget 39 čivgama juohke jagi. Regiovdna 8:s, mii lea Romsa ja Finnmárku, leat registrerejuvvon 17 čivgama ja nállemihttu lea logi.
Loga olles ášši Rovdata siidduin.
