*/
Go vuosttáš artista lávki lávdái Kárášjoga valáštallanviesus ikte de ledje jo moadde čuođi olbmo čoahkkanan, stuorra iluin artistii ja Kárášjoga festivála buvttadeaddjái. GEAHČA GOVAID:
Sámi artista ja divttasvuotnalaš Kalle Urheim iežas musihkain válddii guldaleddjiid mielde iežas universii ja guldaleaddjit orru duđavačča konsearttain, sii speddjo gieđaid ja dáhtto su vel ovtta lávlla čuojahit ovdal go lávkii lávddis eret.
– Lei hirbmat buorre dovdu čuojahit dáppe Kárášjogas. Lean hui duđavaš eahkediin, logai Kalle Urheim maŋŋá konseartta.
Geasuhii olbmuid lávde lusa
Maŋŋá su de lávkii beakkán sámi artista Sofia Jannok lávdái, ja olbmot čoahkkanedje lávdde lusa ja lávlo ja dánso mielde.
Duđavaš
Kárášjoga festivála jođiheaddji Kenneth Eliassen lei duđavaš eahkediin ja lohká hui illudahtti go olbmot ledje jo árra eahket čoahkkanan.
– Vaikko sávvat vel eambbo gussiid de leat duđavačča. Soite boahttán moadde čuohte olbmo, lohká duđavaš Eliassen.
Buot čohkkánsajit ledje dievvan ja lágideaddji fertii viežžat vel eambo bevddiid ja stuoluid.
