-Almmuhus-
-Almmuhus-
OĐĐASAT Geasset šaddá #zhÅÅÅmmer

Geasset šaddá #zhÅÅÅmmer

-

-

#zhÅÅÅmmer sullasaš nuoraidaktivitehta ii gávdno goste eará sajis riikkas. Dohppet go hástalusa ja searvvat? Dat lea Davvi-Romssa olggostallanráđi ja Finnmárkku olggostallanráđi geassedearvuohta man sáddejit davimusas riikka nuoraide.

Ii leat ávki čohkkát bađa alde ja vuordit ahte earát galget du hástit olggos vuolgit. #zhÅÅÅmmer lea fysalaš aktivitehta ja luondduvásáhusaid birra. Beaivválaš jođiheaddji Hugo Tingvoll dadjá ahte olggostallanráđiin áinnas livččii galgan kapasitehta čađahit nuoraidcampa buot suohkaniin, muhto nu ii leat.

Dá lea dán jagáš #zhÅÅÅmmer:

Dá leat doaimmat maid nuorat sáhttet bargat:

1. Oainnát go dáid lottiid?

2. Galle iešguđetlágan dola máhtát dahkat?

3. Vácce suohkana alimus várrečohkas

4. Čoakke ruskkaid fiervvás

5. Mana oagguntuvrii

6. Mana muorjemeahccái

7. Idjat olgun

8. Searvva bearalmohkkái

9. Geahča norgeskart.no

10. Leage vuorasolbmo tuvraolmmái

– Koronaheahti lea oahpahan min jurddašit ođđasit. #zhÅÅÅmmer konseapttain mii gulahallat nuoraiguin sosiála mediain. Dáinna ođđa fálaldagain, man mii vuohččan geahččalit dál geasset, oalgguhit mii nuoraid bargobihtáiguin ja doaimmaiguin maid nuorat sáhttet čađahit. Juogo okto, dahje fárrolaga olbmáiguin ja bearrašiin. Sáhttá maid leat ahte joavkkut dahje searvvit bovdejit nuoraid searvat doppe gos orrot. #zhÅÅÅmmer doaibmá nu ahte nuorat govvejit buot doaimmaid ja ožžot čuoggáid dan vuođul man aktiivvat leat. Lea stuorámus liiba vuoitit sin geat leat eanemus aktiivvat ja leat čoaggán olu čuoggáid.

Logi iešguđet doaimma

Geassepáhkas nuoraide, 13-jahkásaččaide ja boarráseappuide, leat logi iešguđetlágan doaimma maid sáhttet čađahit go sidjiide heive. Nuorat hástaluvvojit dahkat dola iešguđetládje, váccašit tuvrra boarrásiiguin, čoaggit ruskkaid fiervvás ja finadit suohkana alimus várrečohkas. 

– Mii illudit oaidnit mo dat doaibmá. Beassážiid čađaheimmet sullasaš doaimma, muhto de lei oaivvilduvvon vuollel 13-jahkásaš mánáide. Dál geahččalit nuoraiguin. Sii geat servet dokumenterejit iežaset doaimma Instagrama bokte, čilge Tingvoll preassadieđáhusas.

Dát loahpahuvvo čakčamánu 15. beaivvi.

– Danne sáhttet nuoraidskuvllas, geat háliidit, geavahit dan go ođđa skuvlajahki fas álgá.

- Advertisement -
-Almmuhus-