Fidnofágaoahppit, geat ballet ahte eai ceavzze matematihkkafága dahje luonddufágas nu bures, sáhttet geasset gádjut árvosáni ja searvat geasseskuvlii.
Fidnofágaoahppit, geat ballet ahte eai ceavzze matematihkkafága dahje luonddufágas nu bures, sáhttet geasset gádjut árvosáni ja searvat geasseskuvlii.
Finnmárkku fylkkagielda lea ožžon miljovdnabeale ruvnno Davvi-Norgga Seastinbáŋkku vuođđudusas geasseskuvllaid lágidemiide Finnmárkkus.
Ođđa vejolašvuohta njulget dili
Lea njealját jahki go fylkkasuohkan lea ožžon ruhtadeami skeaŋkkas lágidit geasseskuvllaid.
– Vuođđudus lea máŋga jagi dorjon Finnmárkku nuoraid ja fylkkasuohkana. Ruhtadeapmi lea dagahan ahte ollu nuorat ožžot vejolašvuođa njulget dili iežaset oahpus, go besset geasseskuvlii searvat ja ožžot vejolašvuođa ceavzit dehálaš fágain, muitala oahpahusa váldolávdegotti jođiheaddji Johnny Ingebrigtsen.
Mannan jagiid geasseskuvllat leat bures lihkostuvvan ja birrasii 150 oahppi leat ceavzán ovtta dahje goappašat fágain geasseskuvllas. Eanaš ohppiin geat cevzet geasseskuvlla birgejit bures viidáset oahpahusdilis.
Unnimusat viđa skuvllas
Geasseskuvllat lágiduvvojit Hámmárfeasttas, Álttás, Girkonjárggas, Čáhcesullos ja Deanus. Oahppit geat áigot geasseskuvlii searvat fertejit ieža váldit oktavuođa dainna skuvllain gosa áigot. Jus eará joatkkaskuvllain lea alla beroštupmi geasseskuvllaide, de sáhttet doppe maid čađahit dan, dieđiha Finnmárkku fylkkagielda preassadieđáhusas.
