-Almmuhus-
-Almmuhus-
-Almmuhus-
OĐĐASATGeasse­rieggát: Golmmas logi olbmos eai dieđe mii lea gáibádus

Geasse­rieggát: Golmmas logi olbmos eai dieđe mii lea gáibádus

-

-

Ihttin galget buohkat Norggas molsut biilla dálverieggáid geasserieggáide, earret guovllus gos sáhttá fas dálvat. Golmmas logi olbmos eai dieđe man čieŋal galgá lea geasserieggáid minsttar, čájeha Tryg Forsikring iskkus.

– Vuodjit gollan geasserieggáiguin lea váralaš. Njuoska asfálttas sáhttá vásihit ahte biila čeassagoahtá ja biilavuoddji ii nagot stivret biilla vaikko ii leat leaktu. Mađe coahkásut minsttar lea, dađe váralabbot. Sivva lea go rieggágirji galgá gurrestit čázi rieggá vuolde jođánit ja gollan rieggás ii doaimma šat nu mo galgá, čilge dáhkádusfitnodaga Tryg Forsikring gulahallanráđđeaddi Torbjørn Brandeggen.

Biillain mat deddet vuollel 3.500 kilo galgá leat geasserieggáid girji unnimusat 1.6 millimehter čieŋal, muhto rávvejit ahte galggašii leat 4 millimehtera čieŋal.  80 km/t leavttus bisána biilla mas leat ođđa rieggát moaddelogi mehter ovdal go biila mas leat gollan geasserieggát. 

-Almmuhus-