-Almmuhus-
-Almmuhus-
SMÁVVAOĐĐASAT SÁMIS Geasse­johtolagas duššet eanemus olbmot

Geasse­johtolagas duššet eanemus olbmot

-

-

Trygg Trafikk balaha ahte šaddá ođđa lihkohisvuođageassi johtolagas.

Geassemánu, suoidnemánu ja borgemánu duššet gaskamearalaččat 15 olbmo juohke mánu. Reasta jagi lea gaskamearri logi olbmos juohke mánu.

– Mii jáhkkit ahte norgalaččat leat gergosat oaidnit juoidá eará go iežaset ruovttuid ja lagasbirrasa, ja plánejit biilaluomu Norggas. Go diehtit ahte geasset duššet 50 proseantta eambbo olbmo johtolagas, de ballat ahte dán geasi maid šaddet olu lihkohisvuođat, dadjá seniorráđđeaddi Trygg Trafikkas, Bård Morten Johansen.

Preassadieđáhusas čuožžu ahte eanáš lihkohisvuođat gevvet alla leavttu ja gárrenvuodjima dihte dahje go vuoddji ii čuovo doarvái bures mielde johtolagas. Sáhttá maid dieđus kombinašuvdna dáin.

-Almmuhus-