Virke einnosta olbmuid suoidne- ja borgemánus dán jagi gávppašit 108 miljárdda ruvnnu ovddas.
Dat lea sullii 6 miljárdda unnit go 2020:s, muhto 6 miljárdda eambbo dábálaš jagi, 2019.
– Geassegávppašeapmi lea dehálaš olles gávpeealáhussii. Romssas ja Finnmárkkus leat olu bivnnuhis mátkebáikkit turisttaide geat luomustallet Norggas, dadjá Harald Jachwitz Andersen, Virke Handel direktevra.
Ođđa raporta, man lea ráhkadan Kvarud Analyse Virke ovddas, čájeha ahte dan guovtti geassemánus diibmá de vuvddii Romssa ja Finnmárkku buvdaealáhus 4,6 miljárdda ruvnnu ovddas, 10 proseantta eanet go 2019 geasi.
Logi gielddas Romssas ja Finnmárkkus dagahii vuovdin suoidne- ja borgemánus eanet go viđatoasi jahkevuovdaleamis.
