Maiddái boahtte geasi fállá Guovdageainnu suohkan geassebargguid nuoraide.
Guovdageainnu suohkan lea olu jagiid fállan geassebargguid nuoraide. Nu maiddái dán jagi.
– Guovdageainnu suohkan almmuha geassebarggu gaskal 15- ja 20-jahkásaš nuoraide. Doaibma guoská vuosttažettiin nuoraide geat leat oahpu váldimin.
Nuorat geain lea beroštupmi sáhttet sáddet ohcamuša suohkanii. Suohkan dieđiha vel ahte jus leat olu ohccit, de juhkkojuvvojit bargosajit vuorbegeassima bokte.
Vejolaš ohcat bálkádoarjaga
Suohkan fállá maid fitnodagaide mat váldet nuoraid geassebargui bálkáfálaldaga.
– Bálkádoarjja lea 7 500 ruvnno rádjái (gitta 50 % bálkágoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Lea suohkan mii juohká nuoraide fitnodagaid, dieđiha suohkan.
Eambbo dieđuid gávdná suohkana neahttasiiddus.
