Sotnabeaivvi sáhttá leat 20 lieggagráda ja beaivvádat ollu báikkiin davvin.
Sotnabeaivvi sáhttá leat 20 lieggagráda ja beaivvádat ollu báikkiin davvin.
– Bearjadaga lea veahá arvi iđđedis, muhto dan maŋŋel šaddá fiinna dálki Davvi-Norggas dán vahkkoloahpa. Sotnabeaivvi bivalda ja šaddá máŋga gráda báhkkaseabbo go dál lea. Orru čájeheame 15-20 gráda ollu báikkiin, muitala stádameteorologa Marit Helene Jensen.
Dálki rievdá
Moadde beaivvi dás ovdal borggai Bådådjos, muhto dál rievdá dálki davvin.
– Šaddá hui fiinna dálki miehtá Davvi-Norgga ja sotnabeaivvi báitá vel beaivváš. Oarje-Finnmárkkus šaddá fiidnámus dálki, muitala Jensen.
Lulli-, Nuorta- ja Oarje-Norggas šaddá arvi ja balvadálki. (©NTB)
