Sotnabeaivvi čuovganeapmái, njukčamánu 31.beaivvi diibmu 02.00 sirdit diimmu viisáriid fas geasseáigái, ja eahkedat das maŋos leat dalle čuovgadeappot.
Justerdoaimmahaga njeallje atomadiimmu čájehit áiggi Norggas, ja lea oassin máilmmi oktasaš áiggis (UTC).
400 atomadiimmu miehtá máilmmi mihtidit áiggi juohke báikkis. Váldobáiki gos mihtidit olles máilmmi diimmuid, lea Pariissas.
Norga lea okta riikkain, ovttas eará europalaš riikkain mat čuvvot EO-direktiiva geasseáiggi ektui.
EO-kommišuvdna lea ođđasit geahčadeame galget go heaittihit ortnega mas lea geasse- ja dálveáigi.
Jus ášši rievdá, de lea áramusat doaimmas 2021:s. Dalle sáhttá juohke riikka mearridit guđe áiggis sii háliidit leat.
