Sylvi Listhaug lea mearridan geassádit maŋŋel go su čuohcci Facebook-čálus lea dagahan roaškasiid maŋemus vahkku.
Distaga iđđedis čielggaduvvui ahte Sylvi Listhaug geassáda justiisaministtarámmáhis.
– Mun lean buoremielas go Siv ja olles bellodat leat dorjon mu justiisaministtarin. Muhto in sáhte diktit mu luohpama dagahit ahte FrP massá fámu ja vuoitinvuoimmi, čállá Listhaug iežas Facebook-siidui.
Ieš lea Listhaug dadjan ahte son lea iešdáhtolaččat geassádan, maŋŋel go maŋemuš vahkku lea leamaš, nu go ieš čilge, eahperealisttalaš.
– Okta Facebook-čálus, mas ii oba lean ge sáhka suoidnemánu 22. beaivvis, man ovddas lean bivdán ándagassii, lea dagahan Norgga politihka mánáidgárdin. Danne mun oaivvildan ahte lea mu ovddasvástádus láhttet rávisolmmožin, lohká Listhaug NRK:i.
