-Almmuhus-
-Almmuhus-
OĐĐASATGeassáda stivrajođiheaddjin Nidaros aviissas

Geassáda stivrajođiheaddjin Nidaros aviissas

-

-

Arne Reginiussen geassáda stivrajođiheaddjin Amedia Nidaros nammasaš aviissas.  Reginiussen geassádii go cuiggoduvvui viggan váikkuhit makkár doaimmahuslaš sisdoallu galgá aviissas. 

Go Vanja S. Holst celkkii eret redaktevran Amedia nammasaš Nidaros aviissas Troanddimis, de seammás almmuhii ahte vásihii movt eaiggádat vigge seaguhit aviissa sisdollui. Stivrajođiheaddji Arne Reginiussen galgá leat dáhttun jođánis ja buriid ođđasiid ja son galgá maid leat vikkahan bissehit ášši man birra Nidaros lei bargame. Dan čállá aviisa Journalisten.

Šalloša

Reginiussen lohká ahte ii leat goassege bággen redaktevrra čállit dihto áššiid, muhto ahte rávvii buriin vuoiŋŋain. Reginiussen dattege váldá vuhtii cuiggodemiid ja lohká iežas ovddeš  rolla redaktevrrain dán aviissas dat báinnii su láhttevuogi.

Dál geassáda Reginiussen stivrajođiheaddjin dán aviissas. Nu almmuha Amedia preassadieđáhusas.

– Go dilli lea nu go dilli lea, de lea buoremus Nidaros aviisii ahte geassádan. Geassádan maid čájehandihte man dehálaš čorgadis oktavuohta eaiggáda ja redaktevrra gaskkas galgá leat. Gulahallan mu ja ovddasvástideaddji redaktevrra gaskka ii leat leamaš nu go galgá. Mun respekteren redaktevrra iešheanalašvuođa ja dieđán bures rájiid, šalloša Reginiussen.

Reginiussen lea direktevra Amedia ođđa mediain. Son lea maid stivrajođiheaddji sihke Avisa Oslos ja Ávviris. 

-Almmuhus-