Sotnabeaivvi ija, njukčamánu 28. beaivvi, lea vuot áigi botnjat tiibmoviisáriid tiimmu ovddosguvlui dálveáiggis geasseáigái.
Sotnabeaivvi ija, njukčamánu 28.beaivvi, lea fas áigi botnjat tiibmoviisáriid tiimmu ovddosguvlui dálveáiggis geasseáigái.
– Dalle mannagoahtit mii čuvges geasseáiggi guvlui ja doaivumis buoret dillái, lohká ealáhusministtar Iselin Nybø, geas lea Justervesenet ovddasvástádus mii fuolaha Norgga áiggi.
Ministtar lohká olusat leat dolkan korona gáržžidemiin ja sávašedje das beassat eret.
– Áiggi ii sáhte vurket. Bargga juoidá mii illudahttá du, lohká Justervesenet direktevra Geir Samuelsen.
Evttohan heaittihit dan áigeortnega Eurohpás
Eurohpákommišuvdna evttohii 2018:s heaittit geasse- ja dálveáigge ortnega ja olusat imaštit šaddá go das mihkkege. EU-parlameanta doarjjui dan 2019:s. Lea ain eahpečielggas.
– Jus EU mearrida ahte dohkkehit evttohusa, de ferte juohke EU-riika mearridit háliidit go joatkit dan ortnega vai háliidit geasse- dahje dálveáiggi geavahit dábálaš áigin. Norga fas ferte mearrida maid mii háliidat dahkat, čilge ealáhusministtar Nybø.
