Norgga Sámiid Riikasearvvi ovddeš jođiheaddji ja sámediggeáirras Beaska Niillas lea čuvvon Jovsset Ánte Sara ášši dárkilit, ja lohká iežas gearggusin oassálastit vuosttaldemiide jus lea dárbu.
– Mun lea lohpidan ahte jus lea dárbu, de dagan dan. Dál eai leat plánejuvvon makkárge vuosttaldeamit, muhto váruhat ahte eat lea vuollánan. Jus lea dárbu, de áiggun veahkehit bidjat doaimmaid johtui, lohká Beaska Niillas, guhte ii hálit muitalit makkár doaimmat sus leat jurdagis.
Ii vuordemeahttun
Vaikko Beaska Niillas ii loga vuordemeahttun mearrádusa Stuorradikkis, de su mielas lea váidalahtti ja unohas mearrádus go Risttalaš Álbmotbellodaga duohken lei mearridit ášši bohtosa.
– Lei váigat go Risttalaš Álbmotbellodat hoigada olmmošvuođa eret, ja čujuha dušše teknihkalaš prinsihpaide áššis. Dan mađe erenoamáš gal lea dát ášši ahte ledje galgat olmmošlaš beliid váldit vuhtii, sii ledje beanta njoammilat, lohká Beaskka.
