-Almmuhus-
OĐĐASATGearggus válggaide

Gearggus válggaide

-

-

Ikte doalai Kárášjoga Guovddášbellodat nominerenčoahkkima, bajimusas leat dálá gielddapolitihkkárat.

Bearjadaga doalai Kárášjoga Guovddášbellodat nominerenčoahkkima. Guokte bajimus evttohasa leaba dat seamma geat njeallje jagi áigi ge leigga bajimusas, nammalassii dálá sátnejođiheaddji Anne Toril Eriksen Balto, ja Amund Peder Teigmo.

 – Mii illudat válggaide ja čavčča válgagiččuide, gos mis lea mihttu olahit eanet áirasiid go mannan háve, dalle oaččuimet vihtta áirasa, dál háliidat oažžut čieža áirasa gielddastivrii, dadjá Guovddášbellodaga báikkálaš jođiheaddji Geir Svestøl.

 

Kárášjoga Guovddášbellodaga evttohasat:

1 Anne Toril Eriksen Balto

2 Amund Peder Teigmo

3 Bjarne Rikardsen

4 Hege Anita Joks

5 Geir Svestøl

6 Supatra K Henriksen

7 Rolf Johnsen

8 Anders Nils N. Utsi

9 Nils Torfinn Balto

10 Gunn Anette Anti Aslaksen

11 Lill Tove Eira

12 Geir Ole Fredeng

13 Ole Bartnes

14 Charlotte Iselin Mathisen

15 Kim Hallgeir Berg

16 Berit Dagny Anti

17 John Idar Anti

18 Gudrun Balto

19 Per Henrik Guttorm

20 Tina Soleng

21 Gunn Anita Skoglund Sara

22 Arne Kristian Balto

23 Inger Anne Utsi

24 Lars Persen Gaup

25 Anni Østby

Hárjanan olbmot bajimusas

Goalmmádin ges lea Bjarne Rikardsen guhte dál lea gielddastivrra várrelahttu ja njealjádin ges Hege Joks guhte dál lea gielddastivrraáirras ja nubbinjođiheaddji fuolla ja sosiála bálvalusaid váldolávdegottis. 

Svestøl lohká alddiineaset leamaš miellagiddevaš nominerenproseassa.

 – Lea dehálaš ahte listtu bajimusas leat hárjánan politihkkárat, seammás go čáhkkehat maid saji ođđa olbmuide geat bohtet listui rabas mielain, dadjá son.

 

Maiddái «ođđa» namat

Muđuid listtus leat olu ođđa namat, goittot Guovddášbellodaga oktavuođas.

 – Mii leat rámis go leat nagodan hábmet viiddis listtu man oaivvildat nagodit ovddastit olles álbmoga. Listtus leat sihke smávvamánnáolbmot, nuorat, rávvásat, vuorrásat, priváhta ealáhusdoaibmit, almmolaš bargit ja dasa lassin vel olusat geat bohtet vuođđoealáhusain. Buorre joavku, dadjá Svestøl duđavaččat.

 

Guođđán eará bellodagaid

Olusat leat apmasat politihkas, ja muhtimat leat guođđán eará bellodagaid ja searvan Guovddášbellodahkii ja leat hui áŋgirat kommenterii Nils Torfinn Balto guhte lea oččodan earáid searvat sin bellodahkii.

 – Mun mearridin juovlamánu bušeahttašiehtadallamiin ahte Guovddášbellodat lea ovdanbuktán nu buori bušeahta, mas olu buorit ulbmilat mat ovdánahttet Kárášjoga dan guvlui go mun sávašin, dadjá son.

 

 

 

-Almmuhus-