Ikte gávdnui beana Háhttira dahje Skáiddi guovllus. Politiijat ohcalit eaiggáda.
Ikte gávdnui beana Háhttira dahje Skáiddi guovllus. Politiijat ohcalit eaiggáda.
Finnmárkku politiijaguovllus dieđihit ahte mannan ija leat muhtimat oaidnán beatnaga mii orui láhppon, Háhttir dahje Skáiddi guovllus.
Seamma twitterdieđus čállet politiijat maiddái ahte dat geat fuomášedje beatnaga leat váldán dan mielde Hammerfestii, muhto Finnmárkku politiijaguovllu oarjjabeale operašunjođiheaddji Geir Roar Nesbø, lohká dan fertet leat boasttu ipmárdussan:
– Mu dieđu mielde eai váldán dát olbmot beatnaga fárrui, muhto dušše dieđihedje midjiide dan birra, muitala Nesbø.
Odne ain oidnon
Politiijat eai dieđe gii eaiggádaš beatnaga.
– Muhto mii leat odne fas ožžon dieđu ahte beana lea ain oidnon Háhttir guovllus, muhto dál galgá leat lagabus Leaibevuona, čilge Nesbø.
Son ii loga politiijain leat návccaid vuodjit ja viežžat luovosbeatnagiid, danne beana ii leat sin hálddus.
