-Almmuhus-
-Almmuhus-
-Almmuhus-
OĐĐASATGealbbu lokten Ruonáeatnamis

Gealbbu lokten Ruonáeatnamis

-

-

Odne loahpahit čieža sámi nuora iežaset oahpomátkki Ruonáeatnamis.

Mannan vuossárgga čoagganedje čieža sámi nuora Nuukii, Ruonáeatnamii oahpposeminárii man ulbmil lea loktet árktalaš guovllu nuoraid máhtu riikkaidgaskasaš ovttasbarggus, namalassii sámiid ja inuihtaid. Sámis vulge Ruonáeatnamii oahpposeminárii Rosa Maren Magga, Lea Simma, Ida Ristiiná Hætta Ophaug, Marion Ravna, Rebecka Forsgren, Ella Karoline Juuso ja Piera Heaika Muotka. Dát lea boađus Inuihta Cirkumpolára Ráđi ja Sámiráđi ovttasbarggus.

 

– Persovnnalaččat mus lea máhttu sámeáššiid birra, muhto in leat bargan nu ollu riikkaidgaskasaččat álgoálbmogiid áššiiguin ovdal. Dá lea leamaš ollu ávki dás. Mii leat vuđolaččat oahpásmuvvan ILO 169 ja Ovttastuvvon našuvnnaid álgoálbmotdeklarašuvnnain. Seammás geahčaimet erohusaid dáid gaskkas, muitala Piera Heaika Muotka.

Piera Heaika Muotka. Govven: Nils Johan Vars. 

Maiddái Piera lohká iežaset mátkkis oahppan ollu báikki kultuvrras.

– Boraimet moskkusbierggu ja fállábuoiddi. Mii leat maiddái dánsen Ruonáeatnama árbevirolaš dánssa – polka, loahpaha Muotka.

 

Ihttin sámi nuorat dollejit ruoktot.

 

Lea oalle erenomáš leahkit muhtin sajis gos eamiálbmot leat eanetlogus. Giitu sihke Sámiráđđái ja ICC Greenlandii!

Posted by Piera Heaika Muotka on 8. November 2015

 

-Almmuhus-