Dálkki geažil leat olu geainnut gitta olles Norggas dál.
Ollu geainnuid leat dál rahpan Lulli-Norggas maŋŋel go dálkki geažil ledje giddejuvvon. Muhto Davvi-Norggas lea dálkin ain váttis vánddardit geainnuid mielde sotnabeaivvi.
Gitta luottat:
Fylkkageaidnu 890 Kongsfjordfjellet badjel ja fylkkageaidnu 891 Båtsfjordfjellet badjel leat gitta dálkki geažil. Nu lea maiddái fylkkageaidnu 888 Beahkkirvuona, Nuori ja Donjevuona gaskkas.
Ráidovuodjimat
Sáltoduoddaris Nordlánddas lea ges ráidovuodjin, ja nu lea maiddái Nuovasmuotkkis Davvi-Romssas ja fylkkageainnus Muorrala ja Ávanuori gaskkas.
Ráidovuodjin lea maiddái fylkkageainnu 98 Idjavuonduoddara badjel, ja fylkkageainnus 8072 Donjevuona ja Gáŋgaviikka gaskka, ja maiddái fylkkageaidnu 894:s Gilivuona, Gihpovuona ja Dyfjord gaskka.
Máŋga feargaruvtto leat maid bissehuvvon Bådådjo ja Moskenes gaskkas, ja Rødøybassenget fearga ii vuoje odne šat obage, čállá NTB.
