-Almmuhus-
OĐĐASATGeainnu leat fas rahpan

Geainnu leat fas rahpan

-

-

Fylkkageaidnu 883 Skirvvis Girenjárgii lea fas rahppon, geaidnu leamaš gitta ievttá rájes maŋŋel go uđas fierai.

Geologat leat árvvoštallan guovllu oadjebassan, ja dál dieđiha Stáda geaidnodoaimmahat ahte leat rahpan geainnu, čállá Finnmárkku fylkkagielda preassadieđáhusas. Fylkkageaidnu 883 gaskal Skirvvi ja Girenjárgga, Álttá suohkanis, leamaš gitta ievttá rájes maŋŋel go uđas fierai geidnui.

 

Uđas

Uđas lei sullii 120 mehtera guhki, birrasiid 200 kubihkka geađgi, láirá ja muohta dat fierai uđđasis. Geaidnu giddejuvvui go sullii 70-80 kubihkka, dahje gávcci guorbmebiillalásta, lei fierran geidnui. Dan botta go geaidnu leamaš gitta lea M/S Mjånes fievrridan olbmuid Girenjárggas Mikkelsby:i. Fatnasii čáhket 48 olbmo, muhto dasa eai čága biillat.

-Almmuhus-