-Almmuhus-
OĐĐASAT– Geahpádussan sutnje

– Geahpádussan sutnje

-

-

Nu lohká áššehuvvon guovdageaidnulačča advokáhtta Hjallis Bakke.

Su klieanta áššáskuhttui 2014 go navdui lobiheamet lodden, dál lea Sis-Finnmárkku diggegoddi áššehuhttán su go eai sáhte dáhkidit ahte eai leat earát báhčán lottiid mat gávdnojedje albmá váhnemiid geahčen.

– Moai ledne hui duhtavaččat dáinna mearrádusain, mun oaivvildan ahte duopmárat leat riekta dahkan go áššehuhtte mu klieantta. Lei nu mo ovdal lean dadjan, eiseválddiin eai leat doarvái duođaštusat dán áššis, lohká advokáhtta Hjallis Bakke.

 

Geahpádussan

Bakke muitala háleštan iežas klieanttain, guhte maid leat duđavaš mearrádusain.

– Lea leamaš váttes ášši, ádjánedje guhká ovdal go ášši joavddai diggái ja dat lea leamaš noađđin sutnje. Dál diehttelasat dovdá dan leat geahpedussan go lea áššehuvvon.

 

Loga maid: Loddejeaddji áššehuvvan

 

Áššáskuhtti eiseválddiid áššefievrredeaddji Thomas Eliassen Darell ii leat fidnemis ságaide ovdal maŋŋil beassážiid.

-Almmuhus-