-Almmuhus-
VALÁŠTALLANGeahččalii inuihttavaláštallamiid

Geahččalii inuihttavaláštallamiid

-

-

Odne  lea 50 beaivvi dassážii go Árktalaš dálvegilvvut álget Nuukas Ruonáeatnamis.  Filmmas oainnát muhtun inuihttagilvvuid mat leat Árktalaš dálvegilvvuid oassin. Aslat Paltto lea geahččalan dáid. GEAHČA FILMMA.

Aslat Paltto lea Team Sápmi, sámejoavkku veahkejođiheaddji Árktalaš dálvegilvvuid (Arctic Winter Games) oktavuođas. Mannan giđa son oaččui vejolašvuođa go lei Nuukas Ruonáeatnamis geahččalit ge ieš muhtin inuihttavaláštallan surggiid.

Dat lei mu beroštupmi. Áigon geahččalit movt dat lea ná njuiket seammá go inuihttanuorat dahke, ja muđui ge somá.

Aslahis leat ruovttus jo muhtun ráje fágalaš girjjálašvuohta ja filmmat dáid valáštallamiid birra. Danin sus leat moadde rávvaga dutnje jus  šaddá miella geahččalit dahkat seammá nu mo filmmas.

– Buoremusat galgá vánahallat, ligget goruda ovdal go dahkat dan. Jierpmi gal ferte geavahit.

 

Team Sápmi čuoigamis ja futsal spábbačiekčamis

Árktalaš dálvegilvvut, «Arctic Winter Games»(AWG), lágiduvvojit njukčamánus Nuukas Ruonáeatnamis. Gilvvuin leat 2000 nuora geat oassálastet 15 iešguđetlágan valáštallansuorggis. Sápmi oassálastá guovtti suorggis, čuoigamis ja futsal spábbačiekčamis. 2016 AWG olis oasálastá Team Sapmi 24 čuoigiin, 9 spábbačiekčiin ja 3 kulturovddasteaddjiin.

-Almmuhus-