-Almmuhus-
-Almmuhus-
-Almmuhus-
OĐĐASATGeahča sátnejođiheaddjeduealla

Geahča sátnejođiheaddjeduealla

-

-

Ávvira sátnejođiheaddjidueallas Kárášjogas, badjánii temperatuvra go šattai sáhka dearvvašvuođa ja áššemeannudemiid birra. GEAHČA VIDEO:

Gaskavahkku lágidii Ávvir válgaduealla Kárášjogas, gos Guovddášbellodaga Anne Toril Eriksen Balto ja Bargiidbellodaga Svein Atle Somby deaivvadeigga digaštallat.

Fáttát ledje Dearvvašvuohta ja áššemeannudeamit ja sámevuohta Kárášjogas.

 


Vaikke dueallas eaba lean ge ovttaoaivilis de vuhttui soabalašvuohta maŋŋil.
Govven: Sergey Gavrilov

Dueallas badjánii temperatuvra go digaštalaiga gieldda áššemeannudemiid dearvvašvuođasuorggis, maŋŋil duealla de vástideigga vel gažaldagaide ja sudno vástádusaid oainnát dás vuollelis.

 

Geahča maid: Deaivvadeigga dueallas

 

20 jođánis gažaldaga, maidda ferte vástidit JUA dahje II:

 

1. Galget go nuoraidskuvllaoahppit fas beassat lágidit sámeálbmotbeaivedoaluid?

Anne Toril: JUA

Svein: JUA

 

2. Galgá go Kárášjoga gielda bidjat eanet návccaid bargat luovosbeanaváttisvuođain suohkanis?

Anne Toril: JUA

Svein: JUA

 

3. Áiggot go hálbbedit mánáidgárdedivvaga?

Anne Toril: JUA

Svein: JUA

 

4. Galgá go Kárášjoga gielda bargagoahtit dan badjelii ahte besset ieža oamastit ja hálddašit luonddu ja eatnamiid gieldda siskkobealde?

Anne Toril: JUA

Svein: II

 

5. Galgá go gielda ráhkkanit veahkehit sin geat soitet šaddat heaitit boazoealáhusas boazologuheiveheami geažil?

Anne Toril: JUA

Svein: JUA

 

6. Leat go gielddalaš divvagat menddo divrasat?

Anne Toril: II

Svein: II

 

7. Galgá go gielda fas vuoruhit rahpat nuoraidklubba ja doallat dan rabas fásta áiggiide?

Anne Toril: JUA

Svein: JUA

 

8. Lea go dárbu eanet bievlamađiijaide?

Anne Toril: II

Svein: II

 

9. Galgá go gieldit golgadeami?

Anne Toril: II

Svein: II

 

10. Galgá go bivdolohpi nohkat árat go dál, Deanučázádagas?

Anne Toril: JUA

Svein: II

 

11. Galgá go buot fierbmebivdovugiid gieldit?

Anne Toril: JUA

Svein: II

 

12. Galget go ain nuvttá fálaldagat nu go čierastanluohká ja vuojadeapmi?

Anne Toril: JUA

Svein: JUA

 

13. Leago dárbu eanet skohtermađiijaide?

Anne Toril: JUA

Svein: JUA

 

14. Vuoruhehpet go hukset dáidda- ja kulturguovddáža boahtte áigodagas?

Anne Toril: JUA

Svein: JUA

 

15. Galgá go gielda bidjat návccaid dasa ahte lobihis boazoáiddit čorgejuvvojit eret?

Anne Toril: JUA

Svein: II

 

16. Čuovvola go gielda gárrenmirkkogeavaheddjiid doarvái bures?

Anne Toril: II

Svein: II

 

17. Galgá go gielda divvut Anárjogageainnu?

Anne Toril: JUA

Svein: JUA

 

18. Áiggot go addit vuorrasiidráđđái eambbo válddi ja resurssaid?

Anne Toril: JUA

Svein: JUA

 

19. Áiggot go ásahit nuoraide, geat eai beroš valáštallamis, buoret fálaldagaid?

Anne Toril: JUA

Svein: JUA

 

20. Leat go ráđđeviesus menddo olu bargit?

Anne Toril: II

Svein: II

-Almmuhus-