Sápmi Awards 2020 bálkkašupmi juhkkojuvvo 5 suorggis. Geahča geat leat guđe ge suorgái namaduvvon.
Dán jagi lea 10. jahki go Sápmi Awards lágiduvvo. Sápmi Music Awards lea oassin Álttá sámi musihkkafestiválas, Sami Music Week-festiválas. Bálkkašumiiguin gudnejahttejit sin geat ráhkadit ja buvttadit sámi musihka ja luođi. Sami Music Award speadjalasta lihkastagaid ja treanddaid sámi musihkkabirrasis ja geahččalit fátmmastit buot mearkkašahtti musihkkáriid. Eai dárbbat leat dušše artisttat, muhto maiddai lávllačállit, musihkkabuvttadeaddjit ja nu ain.
Ođas dán jagi lea ahte álbmot lea mielde mearrideame vuitiid. Fágajury ja álbmoga jienat mearkkašit seamma olu. Álbmotjienasteapmi lea juo čađahuvvon neahtas, muhto bohtosat eai leat almmuhuvvon.
Dá leat suorggit main gilvalit ja geat leat nammaduvvon:
Rabas suorgi
KEiiNO Jon Henrik Fjällgren ja Elin Oskal Ivan Buljo Tundra Electro Solju
Árbevierru
Sančuari Inger Marie Nilut Sámi Musihkkaakademiija
Komponista/teakstačálli
Jan Ole Klemet Hermansen Frode Fjellheim Ailu Valle
Buvttadeaddji
KEiiNO Patrick Shaw Iversen Bernt Mikkel Haglund
Nuorra artista – Dán jagáš luotkaneapmi
Hildá Länsman Ivan Buljo Lavre Eira Elin Oskal
