Dál, go fanasáigodat lea álgán, de leat Riddodoaimmahat ja BarentsWatch álggahan bálvalusa mii dieđiha báru allodaga miehtá rittu/mearragáttiid.
Dál, go fanasáigodat lea álgán, de leat Riddodoaimmahat ja BarentsWatch álggahan bálvalusa mii dieđiha báru allodaga miehtá rittu/mearragáttiid.
Bárrovárrehus dahká álkibun ja eanet oadjebassan mearraolbmuide geat vánddardit mearas riddoguovlluin. Bálvalus lea ávkkálaš ávnnas sihke leaktofatnasiidda, fearggaide, astoáigefatnasiidda ja eará riddojohtolahkii.
Bienalaš dieđut
Bálvalus addá prognosa bárroallodahkii, -áigodahkii ja -guvlui 60 diimmu ovddasguvlui. Várrehus addo olbmuide geat leat jođus fatnasiin geain leat mielčuovvut mielde, ja eará riddojohtolahkii, earret eará maid guovlluide gos astoáigefatnasat johtet.
Gonagaslaš Norgga Fanassearvvi generálačálli, Endre Solvang, lea geahččan dan ođasmahtton informašuvdnabálvalusa:
– Geahča Bárrovárrehusa ovdal go vuolggát fatnasiin johtui, lea su ávžžuhus.
– Dálki ja mearradilli sáhttá leat ahte don šattat rievdadit borjjastanruvttoplána, dahje juo sirdit veaháš tuvrra vai it dálkka ja vai leat sihkarvuođas go vánddardat.
– KNBF:i ja min 42 000 miellahttui lea mearrasihkarvuođadoaibma dat buot deháleamos mainna mii bargat. Dat ođđa bárrovárrehus dahká mihá oadjebasabun vánddardit mearas astoáigefatnasiiguin, lohká Solvang.
Ođasmahtton bálvalus
Bálvalus, mas lea bienalaš bárrovárrehus, lea leamašan jođus 2003 rájes, ja dat gokčá otná beaivvi mielde buot Norggarittu. Várrehus presenterejuvvo áddehahtti kárttas BarentsWathcas, ja lea heivehuvvon sihke dihtorii, neahttabrehttii ja telefuvdnii.
– Bálvalus lea čalmmus ja dan lea álki navigeret. Dieđut leat áddehahtti, nu ahte unnit fatnasiidda ja riddobivdofatnasii boahtá dat leat buorren veahkkeneavvun, lohká riddoruktokapteaidna, Knut Storø.
Sihkarvuohta ja biras
– Bárrovárrehus lea dehálaš midjiide. Dat ja dálkedieđáhus lea dat maid mii iskat ovdagihtii, de mii diehtit maid mii sáhttit vuordit ja dalle sáhttit maid plánet ruvttoválgga sihkarvuođa vuođul, čilge kapteaidna.
Bárrovárrehusa geavaheapmi sáhttá maid addit birasvuoittu dainna ahte borjjasteami sáhttá plánet doaimmalaččabut, ja dagahit unnit boaldámušgeavaheami. Várrehus addá maid buori dieđáhusa mearradoalloealáhussii, bivdofatnasiidda ja eará riddoealáhusaide.
