Namma: Annbjørg Hætta
Ahki: 39
Guovlu: Áltá
Namma: Annbjørg Hætta
Ahki: 39
Guovlu: Áltá
1. Joatkke dajahusa: Go gussa savnnjaša baikkedettiin, de…?
– De čurohat ballájit! Boastut!
Rievttes vástádus: šaddá sihkkarit borga golmma jándora sisa.
– Lean go mun olgun dál vuoi lea go mus ain vejolašvuohta?
2. Guđe gávpogii gullá spábbačiekčanjoavku Tottenham?
– Dat gullá Londonii. Riekta!
– Gal daid eŋgelas spábbačiekčanjoavkkuid ferte máhttit. Daid mun lean ekspearta diehtit!
3. Lávejit dadjat ahte náitalkeahtes nieiddat ja bártnit eai galgga bohccogáibbi borrat. Manin nu?
– Dat eai gávnna irggi dahje moarsi. Jua, nu dat ferte leahkit. Ahte dat olmmoš gii borrá bohccogáibbi ii gávnna šat su beallelačča. Riekta!
Árvádus:
Annbjørg vállje alit ivnni árváduskategoriijas.
Das sáhttá son oažžut 10 čuoggá.
Mus lea okta sisabeassan ja guokte gokko olggos beasat. Ovdal mu sisa beasat de fertet mannat sisa, ja fertet goappašat olggos beassamiid maid mannat. Mii lean mun?
– Mii bat diet lea ge? In ge muitte. Oh dát gal measta suhttadahtte mu. Lea go son dat juoga maid cokkat ala? Buser mun vástidan. Das leat oainnat čeabet ráigi, guokte soaji jađe vuollin vel sisabeassan. Mun dajan buser báidi. Boastut!
Rievttes vástádus: Buksa
Čuoggá oktiibuot: 2
– Na vuoi! De mun bisánin dan guovtti čuoggái. Lei gal hui somá searvat gilvui! Dá leat aistton diekkár gažaldagat maid ii sáhte Googlet nu jođánit.
Annbjørg Hætta hástala Aslat Ante Sara searvat Ávvira geassegilvui.
Njunnožis!
Namma: Martin Rimpi
Ahki: 53
Galle čuoggá: 18